المدون حسين الفحامشعر شعبي عراقي اتمنى ان يعجبكم
ساعة وتغيب الشمس
ساعة ويجيني الليل
وينراد حيل ودمع
ومنين اجيب الحيل
روحي حمامة صُفت
وب بيت اهلي تدور
اشتاقيت لامي انا
ولخبزة التنور
بديرة هلي بالطعم يختلف حتى الماي
وحتى الهوى يم هلي يختلف والله هواي
كل ليلة تسوى العمر
لو قعدوا اهلي وياي
ومن ايد امي الصبح
محلا استقاني الشاي
يامامنطقتنا حلم ارجع لاصحابي
كل ساعة صاحب يجي
ويدق عليي بابي
محتاج محبوبتي
الحلوة ام جفن غافي
واتمنى هسى تجي
وتغفى على كتافي
مشتاقه للمدرسة
للجرس والساحة
اطفال نركض ركض
بس نشعر براحة
اش مادار بي الزمن
ابقى ل هلي ميال
ومنين اجيب قلب
يتحمل الترحال
آه من الغربة
منقول
Filed under: شعر
ما أقسى هذه الغربة و ما أقسى أن يكون المرئ غريبا في بلده
أنا في السنة الثانية بعيد عن بلدي الجزائر
فلا تبتئس
السلام عليكم ورحمة الله وبركاته.. اشكر مرورك الكريم اخي hakim في مدونتي.. واهلاً وسهلاً.. والله يساعد كل المغتربين عن ارض الوطن من العراق إلى سوريا ولبنان انتهائاً بالمغرب العربي.. اتمنى منك التواصل في مدونتي..مع التحيات